4,000 summons naipadala na ng MMDA sa nahuli ng CCTVs
MANILA, Philippines - Nasa 4,000 summons na ang naipadala ng Metropolitan Manila Development Authority (MMDA) sa mga nahuling lumabag sa batas trapiko kaugnay sa ipinatupad nitong ‘no-contact apprehension policy’.
Nabatid kay MMDA Chairman Emerson Carlos, sa ipinatupad nilang polisiya ay nakikitang nabawasan na ang mga barumbadong nagmamaneho partikular ang mga bus na pahinto- hinto at humaharang sa kalsada.
Sa pamamagitan umano nito unti unti nang nanumbalik ang disiplina sa kalsada ng mga motorista partikular ang public utility vehicles na siyang karamihan sa mga nahuhuli.
Sa ilalim ng ‘no contact apprehension policy’, gagamit na lamang ng closed circuit television cameras (CCTVs) sa paghuli ng mga pasaway na motorista na siyang magsisilbing ebidensiya laban sa mahuhuling motoristang lumabag sa batas trapiko.
Sinimulan itong ipatupad noong Abril 15 ng taong kasalukuyan.
- Latest