Beybi dinukot ng yaya

MANILA, Philippines - Isang sanggol na lalaki ang iniulat na dinukot ng isang  yaya, kamakalawa sa Las Piñas City.

Kinilala ang biktimang si Julius Mi­guel, 9-na buwang gulang, ng Kamagong St., Pilar Village ng naturang siyudad.

Ang suspect naman ay nakilalang si Jane Payoyo, 20, tubong Camarines Sur, stay-in yaya sa naturang lugar.

Base sa reklamo ng ina ng biktima na si Jaamica Jenica Perez, 20 sa tanggapan ni Sr. Supt. Jemar D. Mo­dequillo, hepe ng Las Piñas City Police, naganap ang insidente alas-4:30 ng hapon sa bahay ng pamilya Perez sa Kamagong St., Pilar Village ng naturang siyudad.

Nabatid sa yaya ng biktima na si Vida Frivaldo, ang suspect ay yaya naman ng kapatid ng sanggol.

Ayon kay Frivaldo, kinarga ng suspect ang kanyang alagang sanggol at saka isinakay sa isang kulay puting Hyundai Accent na hindi nakuha ang plaka hanggang sa tuluyang dinukot ito.

Patuloy pa ring iniimbestigahan ang naturang insidente.