NCRPO may apela sa mga kandidato, supporters
MANILA, Philippines – Nanawagan kahapon si National Capital Regional Police Office (NCRPO) chief, Director Joel D. Pagdilao sa mga kandidato at mga supporter nito na maging mahinahon upang hindi pagmulan ng karahasan lalu na’t palapit nang palapit ang halalan.
Kaugnay nito, inatasan niya ang mga district director na higit na paigtingin ang pagpapatupad ng seguridad at magsagawa ng double checkpoint sa buong Metro Manila para sa ligtas, payapa at patas na halalan ngayong dara-ting na buwan ng Mayo.
Nabatid, na noong Enero 10 ng taong kasalukuyan, sinimulang ipatupad ang checkpoint sa buong Kalakhang Maynila sa ilalim ng supervision ng Commission on Election (COMELEC) base sa nakasaad sa Omnibus Election Code, Gun ban.
Dapat aniyang paigtingin ang checkpoint araw at gabi sa mga lansangan lalu na sa mga area na mataas ang bilang ng krimen.
Lalu rin aniyang paigtingin ang mahigpit na pagbabantay dahil nag-umpisa na ang kampanya ng mga kandidato.
Nanawagan ang na-turang NCRPO director sa mga supporter ng mga kandidato na pairalin parati ang kahinahunan upang mapanatili ang kapayapaan.
“Nakikiusap ang inyong kapulisan sa mga kandidato at sa kanilang mga kakampi na maging mahinahon sa panahon ng pangangampanya iwasan ang gumawa ng anumang bagay na pagmumulan ng hindi pagka-kaintindihan,” ani Pagdilao.
- Latest
