Galit sa live-in partner ibinunton sa iba dishwasher sinaksak, dedo
MANILA, Philippines - Hindi akalain ng isang dishwasher na ikamamatay niya ang galit ng isang 39 anyos na lalaki nang sa kanya ibinunton ang galit nito sa live-in partner kamakalawa ng hapon sa Paco, Maynila.
Hindi na naisalba pa ng mga doctor sa Ospital ng Maynila, ang biktimang si Jexter Jimena, ng 1680 Genales St. Paco, Maynila na nagtamo ng isang tama ng saksak ng kutsilyo sa dibdib.
Agad namang naaresto ang suspek na si Ronnele Maliwat ng 1639 Santiago St. Paco, Maynila.
Sa pagsisiyasat ni SPO2 Jonathan Bautista, ng Manila Police District-Homicide Section, bago ang insidente, nag-iinuman ang suspek kasama ang live-in partner na si Liberty at pinsang si Jerald Joseph. Makalipas ang isang minuto ay nagpa-alam si Joseph sa suspek at kay Liberty
Nagulat na lamang si Joseph nang marinig ang pag-aaway ng suspek at ni Liberty. Gayunman hindi niya pinakialaman ang mga ito dahil na rin sa away mag-asawa.
Narinig lamang niyang binitiwan ng suspek ang pahayag na “Mahal kita pero niloloko mo ako”.
Ilang sandali pa ay lumabas ang suspek at naghahamon na ng away sa lahat ng kanyang nakita at dito na sinaksak ng suspek ang biktima.
Sinabi naman ng suspek na inunahan lang niya ang biktima sa pangambang siya ang patayin nito dahil papalapit na sa kanya. (Doris Franche-Borja)
- Latest