2 totoy tepok sa killer SUV

NORTH COTABATO  , Philippines  —  Kamatayan ang sinapit ng dalawang totoy makaraang mabundol ng SUV sa kahabaan ng highway sa Purok 3, Barangay Binoligan sa Kidapawan City, North Cotabato, kamakalawa. Kinilala ang dalawa na sina Datu Ahmed Kirby Ingatan Usman, 7, mag-aaral sa Lanao Elementary School; at John Christian Panambulan Ingatan, 10, estudyante ng Paco Elementary School at kapwa nakatira  sa nabanggit na barangay. Sa police report na nakarating kay P/Chief Insp. Ramel Hojilla, hepe ng Kidapawan City police station, naganap ang sakuna sa Kidapawan-Pres. Roxas Highway kung saan patungong Kidapawan City ang SUV (Ford Everest) na minamaneho ni Abdulmontasir Abedin Manalasal, 47, kawani ng Cotabato Foundation College of Science and Technology. Sa hindi inaasahang pagkakataon ay biglang tumawid ang dalawa kaya nasagasaan ng SUV. Kasalukuyang nakapiit sa himpilan ng pulisya sa Kidapawan City ang drayber at nakatakdang kasuhan.