Kaanak ng chairman dinedo ng tandem
TUGUEGARAO CITY, Cagayan, Philippines — Napatay ang 23-anyos na trike driver na malapit na kaanak ng barangay chairman matapos itong ratratin ng riding-in-tandem assassins habang patungo sa Simbang Gabi sa Barangay Baligatan, Ilagan City, Isabela noong Lunes ng madaling araw. Pantay na ang mga paa ng biktimang si Leimar Agor sa susunod nitong pagsisimba matapos ideklarang patay sa Gov. Faustino Dy Sr. Memorial Hospital. Sa police report na nakarating kay P/Supt. Ariel Quilang, hepe ng Ilagan City police station, nagawa pang makatakbo ni Agor ng ilang metro subalit muli siyang pinagbabaril sa harapan ng gasolinahan na pag-ari ni Sharifur Braman dakong alas-3:30 ng madaling araw. Inaalam pa ng mga imbestigador ang motibo sa pagpatay sa biktima na sinasabing malapit na kaanak ni Chairman Alex Agor ng Barangay Calamagui.
- Latest