Negosyante itinumba ng tandem

MANILA, Philippines — Patay ang 27-anyos na negosyanteng Indian national makaraang pagbabarilin ng motorcycle-riding gunmen sa naganap na ambush sa Barangay San Emmanuel, Tacurong City, Sultan Kudarat kamakalawa ng umaga.

Kinilala ang biktima na si Harpeet Sing Dhillon na may negosyong pagpapautang na may tubo.

Sa ulat ng Tacurong City Police, naitala ang insidente sa nasabing lugar bandang alas -7:20 ng umaga.

Base sa police report na nakarating sa Camp Crame, kasalukuyang nagmomotorsiklo ang biktima nang sundan ng tandem saka pinagbabaril.

Nabatid na ang biktima ay kaaalis lamang sa kanilang bahay at mango­ngolekta ng mga pahulugan nito sa ilang barangay.

Matapos masigurong patay na ang target ay mabilis namang tumakas ang tandem assassins.