Magsasaka nilikida ng NPA rebs
LEGAZPI CITY, Albay, Philippines — Bulagta ang 67-anyos na magsasaka na inakusahang tiktik ng militar matapos itong ratratin barilin ng pinaniniwalaang rebeldeng New People’s Army (NPA) sa loob mismo ng kanilang bahay sa Sitio Salug, Barangay Danao sa bayan ng San Jacinto, Masbate kamakalawa ng umaga. Sa police report na nakarating sa Camp Simeon Ola, nag-aalmusal ang biktimang si Manuel Dilao at asawa nito nang biglang pumasok ang limang rebeldeng New People’s Army. Gayunman, inutusan ng mga armado ang misis na lumabas nang bahay saka pinagbabaril ang biktima. Sinasabing inakusahan ang biktima na nagbibigay ng impormasyon sa militar kaugnay sa ikinikilos ng mga rebelde kung saan namang itinanggi ng kanyang pamilya.
- Latest