Negosyante dinukot sa Cavite
CAVITE , Philippines — Pinaniniwalaang kapwa Indian national ang dumukot sa 44-anyos na negosyante na nagmomotorsiklo sa kahabaan ng Putol-Magdalo Road sa Barangay Putol, bayan ng Kawit, Cavite, kahapon. Kinilala ng pulisya ang biktima na si Harjinder Singh “Jhonny” Talwar, may asawa, ng Block II, Lot 29-30, Carenville Subd. sa nasabing barangay. Base sa police report na naisumite sa Camp Pantaleon Garcia, dumulog sa himpilan ng pulisya ang asawa ng biktima para humingi ng tulong sa pagkakadukot sa kanyang mister. Nabatid na hinarang ng mga kalalakihang lulan ng Toyota Innova (AAB 7376), hinarang ng grupo ng lalaki ang biktimang nagmomotorsiklo saka isinakay sa nasabing sasakyan. Sa kasalukuyan ay wala pa ring natatanggap na tawag o text messages ang pamilya ng biktima sa mga kidnaper.
- Latest