Encounter: 2 BIFF bumulagta
NORTH COTABATO, Philippines — Dalawang miyembro ng teroristang Bangsamoro Islamic Freedom Fighters (BIFF) ang napatay habang sugatan naman ang isang sundalo sa naganap na engkuwentro sa Barangay Mita, bayan ng Datu Unsay sa Maguindanao Kahapon.
Sa ulat ng 6th Infantry Division ng Philippine Army, nagsasagawa ng combat patrol operation ang mga tauhan ng 57th Infantry Battalion sa liblib na bahagi ng Barangay Mita nang makasagupa ang mga terorista.
Umabot sa isang oras ang bakbakan ng magkabilang panig kung saan nagsilikas naman ang mga residente sa nasabing lugar.
Umatras naman ang grupo ng BIFF nang paputukan ng mga sundalo gamit ang 105mm howitzers cannon.
Dalawa sa BIFF ang napatay habang isa ang sugatan sa panig ng mga sundalo na nagtamo ng minor injury.
Sa ngayon ay patuloy na tinutugis ng mga sundalo ang grupo ng BIFF.
- Latest