Jeepney bumaliktad: 16 sugatan

TUGUEGARAO CITY, Cagayan, Philippines – Umaabot sa 16-katao ang nasugatan matapos bumaliktad ang sinasakyang jeepney sa bulubunduking kalsada sa Sitio Mangnao, Barangay Saliok sa bayan ng Natonin, Mountain Province noong Martes ng umaga. Kasamang naisugod sa Natonin Infirmary Clinic ang driver ng jeepney na si Celso Bagyan, ang mga pasaherong sina Noli Liwag, Jayson Dangpa, Junison Dangpa, Miriam Dangpa, Sonita Dangpa, Julius Paleng, Marvin Vilog, Brenda Bagyan, Samuel Benito, Samuel Bekigan, Edmard Aggang, Remy Dolores, Arlyn Dolores, Shiela Bilao, at si Dan Focasan. Sa police report na ipinalabas ni P/Chief Insp. Carol Lacuata, tagapagsalita ng Cordillera police, nawalan ng kontrol sa jeepney (DSX-FI8) ang drayber na si Bagyan makaraang hindi kumagat ang preno nito sa pabulusok at kurbadang bahagi ng kalsada bago tumingala ang apat nitong gulong dakong alas-9:45 ng umaga. ?