Driver inutas dahil sa sigarilyo

BAYOMBONG, Nueva Vizcaya  , Philippines – Napatay ang 40-an­yos na driver matapos itong saksakin ng kanyang pahinante dahil lamang sa sigarilyo sa Barangay Calitlitan, bayan ng Aritao, Nueva Vizcaya noong Sabado ng gabi. Kinilala ang napatay na si Dindo Soriano ng Barangay Dumpao, Iguig, Cagayan habang sumuko naman ang suspek na si Donato Manauay, 46, ng Barangay Baggay, Tuguegarao City. Lumilitaw na pansamantalang pumarada sa gilid ng highway ang trailer trak (WBQ107) ng biktima kung saan nag-inuman muna kasama ang suspek at iba pang kasamahan. Gayunamn, humingi ng sigarilyo ang biktima na tinanggihan naman ng suspek kung saan nauwi sa pagtatalo hanggang sa maganap ang pananaksak. Naisugod pa sa Dr. Valera Clinic ang biktima subalit idineklara itong patay dahil sa dalawang saksak sa kaliwang dibdib.