Biyuda hulog sa motorbike, dedo
QUEZON, Philippines - Patay ang 57-anyos na albularyang biyuda makaraang pumulupot ang kanyang belo sa gulong ng motorsiklo at tuluyang mahulog sa kalasda, kamakalawa ng umaga sa kahabaan ng provincial road sa Barangay Baguio, Tayabas City, Quezon. Nagtamo ng grabeng pinsala sa ulo ang biktimang si Rodita Millar Leanillo ng Barangay Lalo. Base sa ulat na nakarating kay P/Chief Insp. Rex Gaoiran, chief of police, nakaangkas ang biktima sa motorsiklo ng kanyang anak na si Richard Leanillo ng lumawit ang dulo ng suot na mahabang belo. Gayunman pumulupot sa gulong ang belo saka tuluyang nahatak at nahulog ang biktima. Mabilis na dinala sa ospital ang biktima subalit nalagutan ng hininga pagkalipas ng dalawang oras. Boluntaryo namang sumuko sa himpilan ng pulisya ang anak ng biktima.
- Latest