Apo ni Sen. Pacquiao, nalunod
TUGUEGARAO CITY, Cagayan, Philippines - Nilamon ng lawa ang 4-anyos na nene na sinasabing apo ng Pambansang Kamao na si Sen. Manny Pacquiao sa gitna ng kanyang pagtatampisaw kasama ang kanyang mga kalaro sa Barangay Tabucolan, bayan ng Santa, Ilocos Sur noong Linggo. Kinilala ni PO3 Presenciano Ventura Jr. ang biktima na si Jasmine Pacquiao Bragado ng nasabing barangay. Base sa police report, napansin ng mga kalaro ng biktima ang kanyang pagkawala kaya humingi ang mga ito ng saklolo.? Narekober ng mga nagrespondeng pulis ang bata subalit idineklarang patay sa Ilocos Sur District Hospital sa bayan ng Narvacan.? Nabatid na wala ang mga magulang ng bata na sina Albert Rendon Bragado at Liezel Pacquiao Bragado nang maganap ang trahedya.
- Latest