South Cotabato, inulan ng yelo
COTABATO CITY, Maguindanao , Philippines – Sa hindi inaasahang pagkakataon ay inulan ng yelo ang Barangay Poblacion sa bayan ng Surallah sa South Cotabato, kahapon. Ikinagulat naman ng mga residente ang sinasabing “bizarre phenomenon” dahil sa biglaang pag-ulan ng yelo. Ayon kay Surallah MDRRM Officer June Cayho, ngayon lamang nakaranas ang mga residente sa pag-ulan ng yelo sa nasabing bayan. Paliwanag din ni Cayho na posibleng senyales ito ng paparating na El Niño at dahil sa abnormal at pabagu-bagong panahon. Samantala, patuloy namang pinag-aaralan ng nasabing ahensya kung anong senyales ang pag-ulan ng yelo.
- Latest