Bakbakang Racal-Cignal-SBC magsisimula na ngayon
MANILA, Philippines - Magsisimula nga-yong hapon ang Finals ng Racal Ceramica at Cignal-San Beda sa ganap na alas-4:00 ng hapon sa Game One ng kanilang best-of-three series para sa kampeonato sa PBA D-League Aspirants’ Cup sa Ynares Arena sa Pasig.
Bagama’t parehong bagong-salta sa Finals ng liga, mamanduhin ng dalawang mahusay at mayaman sa karanasang mga coaches ang magkabilang koponan. Si six-time D-League champion coach Boyet Fernandez para sa Hawkeyes at si PBA legend at Arellano University head coach Jerry Codiñera naman para sa Tile Masters.
Pagtitiwalaan ni Codiñera ang kanyang mga NCAA standouts at mga beterano na siyang nagtulong-tulong para ihatid ang koponan ng Racal sa Finals ng liga sa unang pagkakataon simula ng kanilang pagsali noong 2014.
“I will just continue to trust my players and we’ll try to keep it close and we’ll try to motivate the players coming to the Finals,” pahayag ni Codiñera.
Patuloy na hahanapin ng Tile Masters ang kontribusyon nina Arellano Chief Kent Salado, Letran Knight Rey Nambatac at EAC General Sidney Onwubere at ng kanilang mga beterano na sina Jackson Corpuz at si Allan Mangahas na naglaro para sa koponan ng Blackwater na siyang tumalo sa NLEX na nasa ilalim noon ng mentorship ni Fernandez noong 2013 Foundation Cup Finals.
Para naman kay Fernandez, alam nitong haharap sila sa isang ma-laking hamon, laban sa matibay na NCAA-core ng Racal.
“We just have to make the necessary adjustments because they have very good players, All-Star players at least. So if you’re going to beat an All-Star team, you really have to play defense and be disciplined,” ani Fernandez.
Pangungunahan ng mga manlalaro mula sa San Beda na sina Javee Mocon, Robert Bolick at Davon Potts ang Hawkeyes na makakasangga ng dating pro na si Pamboy Raymundo at MVP candidate Jason Perkins. FML
- Latest
