Adik na nag-Zumba, itinumba
TUGUEGARAO CITY, Cagayan, Philippines – Napatay ang 32-anyos na adik na lumahok sa Zumba kaugnay sa pagsuko niya sa pulisya matapos itong ratratin ng riding-in-tandem gunmen habang nakatambay sa harapan ng kanilang bahay sa Barangay Magsaysay, bayan ng Alicia, Isabela noong Sabado ng gabi.? Nagtamo ng maraming tama ng bala ng cal. 45 si William Medina na sinasabing nasa drug watch list ng pulisya.? Base sa police report na nakarating kay P/Chief Insp. Santos Tecbobolan, hepe ng Alicia PNP, isa ang biktima sa mga umindak sa pagdaraos ng Zumba matapos itong sumuko sa programang “Oplan Tokhang”. Pinaniniwalaang pinatahimik ng mga kasamahang durugista ang biktima para hindi maisiwalat ang operasyon ng drug trade sa nasabing lugar.
- Latest