Trader nilikida sa kotse

QUEZON, Philippines – Napaslang ang 36-anyos na negosyante makaraang ratratin ng hindi kilalang lalaki sa bahagi ng Barangay Pury sa bayan ng San Antonio, Quezon kamakalawa ng umaga. Napuruhan sa dibdib ang biktimang si Teoderico Guerra ng Padre Garcia, Batangas. Sa inisyal na imbestigasyon, sakay ng kotseng Toyota Corolla (UDL-331) ang biktima kung saan bahagya itong tumigil. Dito na pinagbabaril ang biktima ng di-kilalang lalaki na bumaba sa kotseng may plakang DEN-674 pagsapit sa intersection ng nabanggit na lugar. Sinisilip ng pulisya ang anggulong may kinalaman sa negosyo ng biktima ang motibo sa pamamaslang.