Duterte kay Joma: Sasampalin kita!
Kapag nagkita tayo...
MANILA, Philippines — Sampal ang sasalubong kay Communist Party of the Philippines (CCP) Jose Maria Sison kapag sila ay nagkita ni Pangulong Rodrigo Duterte na ayaw nang makipag-usap dito.
Ito ang binigyang-din ni Pangulong Duterte kahapon. sa “TienDA Para sa mga Bayani” Program at nanawagan sa mga miyembro ng New People’s Army (NPA) na sumuko na lamang sa gobyerno.
“Mag-surrender na lang kayo, bigyan ko kayo trabaho me pera pa kayo, mag-surrender ka ng isang howitzer dyan, bayaran kita 1 milyon dollar,” wika pa ng Pangulo.
“Nabubwisit talaga ako sa inyo (NPA) anong usap-usap, ‘pag nagkita tayo Sison, sampalin kita.
Sinabi pa ng Pangulo, hindi aangat ang kanilang buhay kapag nanatili sila sa NPA kaysa mas mabuting sumuko na lamang sila.
“Pag nanatili kayong NPA, kayong mahihirap mananatili pa ring mahirap, hindi aangat ang buhay niyo hanggat nariyan ang NPA,” paliwanag pa ni Duterte.
“Ang mga sundalo lagi nyong ina-ambush, kung ang gawin ko ay patayin ko rin ang mga pamilya nyo, anong mararamdaman nyo?” dagdag pa ng Pangulo.
Hiniling din ni Pangulong Duterte sa AFP o PNP na kapag sumobra siya ng isang araw sa kanyang termino ay barilin siya.
- Latest
