LTFRB spokesperson, nagbitiw
MANILA, Philippines — Nagbitiw bilang spokesperson ng Land Transportation Franchising and Regulatory Board (LTFRB) si Atty. Aileen Lizada, subalit mananatili pa rin siyang board member.
Hindi naman sinabi ni Lizada ang dahilan ng kanyang pag-iwan sa puwesto bilang spokesperson ng ahensiya at wala pa namang naitatalagang bagong spokesperson ng LTFRB si Chairman Martin Delgra.
Una nang nagbitiw bilang spokesperson ng Department of Tranportation (DOTr) si dating media anchor Cherry Mercado dahilan sa umano’y matinding pressure sa trabaho.
Ang DOTr ay patuloy ang kontrobersiya sa pagkakaroon ng aberya ng MRT 3 at sa mga kontratang pinasok ng ahensya ng nagdaang administrasyon tulad ng pagbili ng bagong bagon ng tren sa ibang bansa.
Habang sa LTFRB ay mainit ang usapin ng public utility vehicle modernization na nagdulot ng pagphase out sa mga lumang jeep.
- Latest