Shootout: 2 hired killer dedo
MANILA, Philippines — Dalawang lalaki na umano ay mga hired killer ang nasawi nang makasagupa ang pulisya sa Brgy. RG Macias, Sindangan, Zamboanga del Norte kamakalawa ng gabi.
Ang mga nasawing suspek ay kinilalang sina Saidina Ismael alyas Tikboy at Jeffrey Rebollos alyas Pungkol.
Batay sa ulat, bago naganap ang shootout dakong alas-9:45 ng gabi sa bisinidad ng nabanggit na lugar ay nakatanggap ng impormasyon ang pulisya hinggil sa pagdaan sa lugar ng mga suspek na magkaangkas sa motorsiklo.
Naglatag ng checkpoint ang pulisya at pagdaan ng motorsiklo ng mga suspek na walang plaka ay tumangging magpainspeksyon ang mga ito na kung saan ay agad na bumunot ng baril at pinaputukan ang mga pulis na bantay.
Masuwerteng walang tinamaan sa mga pulis na gumanti ng putok at tinamaan ang dalawang suspek at narekober sa mga ito ang dalawang Granada.
- Latest