Tour of duty ni Bato pinahaba ni Du30
MANILA, Philippines — Pinalawig pa ng Pangulong Rodrigo Duterte ng dalawa hanggang tatlong buwan sa puwesto si Philippine National Police (PNP) chief, Director General Ronald Dela Rosa.
Ipinaliwanag ni Pangulong Duterte na ang pagpapalawig niya sa puwesto ni Dela Rosa bilang police chief ay upang magsagawa ng infrastructure at pag-organisa sa PNP.
“May ilipat ako at may gawin akong mga kampong mga bago,” wika ni Duterte at hindi ibinulgar ang bagong kampo na bubuuin nito.
Si Dela Rosa ay nakatakdang magretiro sa Enero 2018 at pagkatapos ng kanyang pagiging PNP chief ay pupuwesto na ito bilang bagong Bureau of Corrections (Bucor) chief.
Nakatakdang palitan si Dela Rosa ni Deputy Director General Ramon Apolinario, ang second-in-command ng PNP, subalit tahimik lang si Pangulong Duterte patungkol sa papalit sa una.
- Latest
