Sereno sinisi ang justices ng SC

MANILA, Philippines — Ipinapasa lamang umano ni Chief Justice Maria Lourdes Sereno ang sisi sa mga justices ng Supreme Court en banc nang sinabi nitong inaprubahan lamang ang survivorship benefits ng naiwang pamilya ng namayapang Court of Appeals Justice Jose Colayco ilang araw na ang nakalilipas.

Ito ang naging pahayag ni Atty. Lary Gadon, dahil sa marami na ang nagagalit sa kanya at kasinunga­lingan ang paliwanag ni Sereno sa issue ng delayed release ng survivorship benefits.

Pero ang katotohanan aniya ay mabilis na inaksyunan at inaprubahan ng SC en banc ang dokumento para dito sa loob lamang ng isang buwan.

Sinabi ni Gadon na matagal nang pending sa Office of the Chief Justice ang application para sa survivorship benefits pero hindi raw ito ipinagbigay alam ni Sereno.

Hindi rin daw sinabi ng punong mahistrado na inupuan at tinalakay na pala ito ng technical working group na kanyang binuo.

Sa halip na mapabilis ang approval ng application, lalo lamang daw napalawig ang buong proseso, bagay na malinaw daw na nagpapakita ng neglegience at incompetence.