VM Joy B muling binuhay ang human milk bank

MANILA, Philippines - Muling  binuhay  ni QC Vice Mayor Joy Belmonte ang Human Milk Bank sa QC General Hospital na sinimulan niyang ipinatayo noong 2015.

Pinangunahan kahapon ni Vice Mayor Belmonte ang programäng Milk Letting Activity kung saan may 180 nanay ang nag-donate ng kanilang gatas para sa mga mahihirap na kabataang sanggol na may sakit.

Ang nalilikom na gatas ay ilalagay sa Human Milk bank upang ipagkaloob sa higit na nangangailangang mga sanggol laluna yaong may mga sakit upang sila ay lumakas at gumaling.

Mula nang pasimulan ni Belmonte ang programa noong 2015 hanggang 2017 ay  mayroon ng mahigit 400 sanggol na ang karamihan ay may sakit ang nakinabang mula sa mahigit 3,000 milk donors.