Traffic enforcer utas sa tandem

MANILA, Philippines - Dead-on-the-spot ang isang barangay traffic enforcer nang  pagbabarilin ng isang lalaki na angkas sa motorsiklo kahapon ng umaga sa Quezon City.

Ang nasawi ay kinilalang si Teogenes Mendez, 51, ng Block 1, Lot 6, Sampaguita St., Brgy. Pasong Putik ng lungsod.

 Sa imbestigasyon bago naganap ang krimen dakong alas-6:00 ng umaga malapit sa Divine Grace Elementary School, Ilang-Ilang St., Brgy. Pasong Putik ay nagmamando ng trapiko ang biktima nang biglang sumulpot ang isang motorsiklong walang plaka, na sakay ang dalawang kalalakihan at dito ay bumunot ng baril ang angkas at walang kaabog-abog na pinagbabaril ang biktima.

Mabilis na tumakas ang mga suspek nang masigurong patay na ang biktima.