Grade 6 pupil, 3 pa timbog sa marijuana
MANILA, Philippines - Naaresto ang isang grade 6 pupil at tatlong iba pa matapos magbenta ng marijuana sa kapwa nila estudyante sa Quezon City.
Dahil sa pagiging menor de edad ay itinago na lamang ito sa alyas Lito, 16 na grade 6 pupil sa isang paaralan sa Brgy. Masambong;Ralph Norman Peñaflor, 25; John Ross Ong, 18, kapwa taga -Brgy. San Antonio at Eunice Zhiska Zeta, ng Brgy. Salvacion.
Batay sa ulat, alas-11:30 ng umaga nang maganap ang pag-aresto sa isang elementary school sa Brgy. Masambong ng naturang siyudad matapos makumpiskahan si Lito ng kanyang guro ng 22 plastic sachet na naglalaman ng pinatuyong dahon ng marijuana, glass tube at lighter mula sa bag nito.
Inamin ni Lito na nagbebenta siya ng droga sa kapwa niya estudyante at mayroon siyang kasabwat sa ginagawa niyang iligal na gawain na kung saan ay nadakip ang tatlong suspek sa buy bust.
- Latest
