Rody pinalilinis ang mga sagabal sa kalye

MANILA, Philippines -  “Linisin ang mga kalsada sa mga obstructions”.

Ito ang kautusan ni Pangulong Rodrigo Duterte sa  Metro Manila Development Authority (MMDA) at iba pang local government unit sa Metro Manila gayundin sa Metro Cebu at iba pang regional centers.

Ayon kay Duterte, nagiging sagabal sa kalsada ang mga illegally parked vehicles na nakakadagdag sa problema sa daloy ng trapiko sa Metro Manila at iba pang major cities sa buong bansa.

Sa loob mismo ng Malacañang complex ay sumisikip ang daloy ng trapiko dahil sa kabilaang pagparada ng mga sasakyan kabilang na ang sasakyan ng ilang local officials.

“All of these strategic road and transport projects shall go to naught if we cannot free our streets, which continue to be obstructed by illegally parked vehicles, ‘yang EDSA na ‘yan traffic obstructionists or undisciplined drivers who stop in the middle of the road, and unsanctioned bar­riers in some areas,” wika pa ni Duterte sa kanyang ikalawang State of the Nation Address (SONA) kamakalawa sa joint session ng Kongreso.

Muling inulit ni Duterte sa kanyang gabinete na huwag nang gagamitin ang special plate para maging espesyal sa kalsada.