Ginang nanlaban sa holdap, tinodas
MANILA, Philippines - Namatay noon din ang isang 47-anyos na ginang nang barilin ito ng isang rider nang ayaw ibigay ang dalang bag kahapon ng madaling araw sa Makati City.
Ang nasawi ay kinilalang si Catalina Aguas, kahera ng isang restoran sa Maynila, at residente ng Copernico St., Brgy. San Isidro at may 8 anak.
Batay sa ulat, dakong alas-4:00 ng madaling araw ay naglalakad ang biktima sa kahabaan ng Copernico St., pauwi sa kanilang bahay nang makasalubong ang suspek na sakay ng motorsiklo na walang plaka nang biglang hablutin ang bag.
Ayaw ibigay ng biktima ang bag at nakipag-agawan ito sa suspek na nairita kaya’t pinagbabaril ito at nang bumulagta ay kinuha ang bag at mabilis na tumakas.
Ayon sa mga kaanak na ilang beses na umanong nabibiktima nang pangho-holdap, ang biktima, subalit lagi itong nanlalaban.
- Latest