De Lima may bagong BF - Duterte
Sex video orig
MANILA, Philippines – Muli na namang binanatan ni Pangulong Rodrigo Duterte si Senator Leila De Lima nang ibulgar nito sa harap ng mga mamamahayag na may bagong nobyo na ang senadora sa katauhan ng isang Warren na kanyang motorcycle escort.
Si Warren ang ipinalit ni De Lima sa dating lover-driver na si Roni Dayan.
“Kaya si De Lima galit, kasi nahuli ko siya. Pati ‘yong sa kama.’Di Photoshop ‘yan. May bago na siyang boyfriend ang pangalan Warren na kanyang motorcycle escort,” wika pa ni Duterte sa ambush interview matapos dumalaw sa napaslang na opisyal ng pulisya sa Taytay, Rizal kahapon.
Siniguro rin kahapon ni Pangulong Rodrigo Duterte na hindi peke ang hawak niyang ebidensiyang sex video laban kay De Lima.
Sinabi pa ni Duterte, hindi naman sangkot sa illegal drug trade ang bagong boyfriend ni De Lima na kanyang motorcycle escort.
Ayon pa kay Duterte, mismong si dating MMDA chairman Francis Tolentino ang nagkumpirma sa kanya na Warren ang bagong bf ni De Lima dahil MMDA motorcycle rider si Warren na naka-assign kay De Lima.
Bukod dito ay sa ilalabas niyang drug matrix na sangkot si De Lima ay hindi naman direktang involved sa drug trade ang dating justice secretary kundi siya “facilitated everything for the money”.
Magugunita na unang ibinulgar ni Duterte na isang immoral si De Lima dahil sa pagkakaroon nito ng relasyon kay Dayan na ginagamit niyang collector ng drug money sa Bilibid.
- Latest
