Health condition ng kandidato ‘di obligadong ilabas

MANILA, Philippines – “Hindi maaaring obligahin ang isang kandidato na ilabas ang kanyang  health condition”.

Ito ang naging pahayag ng election lawyer na si Atty. Romulo Macalintal dahil  hindi umano  kasama ito sa qualification para makatakbo sa mataas na posisyon ang kalusugan ng isang kandidato.

 Bagama’t may ilan na handang maglahad ng health record, hindi umano ito pwedeng ipagpilitan ng  Commission on Elections (Comelec) o ng iba pang ahensya ng gobyerno.

Naging usapin ito, ilang araw matapos masawi ang isa sa mga kandidato sa pagka-pangulo na si dating Amb. Roy Señeres.

Maging ang mga opisyal ng Comelec ay aminadong hindi nila magawang mapilit ang bawat kandidato na maglahad ng kanilang health records dahil hindi ito nakasaad sa Saligang Batas o maging sa Fair Elections Act.