Clarkson nanguna sa panalo ng Lakers

LOS ANGELES — Humataw si Filipino-Ame­rican reserve guard Jordan Clarkson ng 33 points pa­ra banderahan ang Los Angeles sa 99-86 paggu­po sa bisitang Indiana Pacers.

Winakasan ng Lakers, may injury ang tatlong start­ers, ang kanilang two-game losing skid ba­ga­ma’t nagtala ng 2-of-14 free throw shooting.

“We’re kind of banged up,” sabi ni Clarkson, naglista din ng 7 rebounds at 7 assists. “We didn’t have all our main guys and stuff. So I had to step up and I knew what I had to do tonight.”

Nag-ambag si Julius Randle ng 14 points para sa Los Angeles kasunod ang 13 at 10 markers nina Kyle Kuzma at Larry Nance Jr., ayon sa pagkaka­su­nod.

Binanderahan ni Victor Oladipo ang Indiana mu­­la sa kanyang 25 points, habang naglista si Do­mantas Sabonis ng 15 markers at 14 rebounds.

Sa Salt Lake City, kumamada si Tim Hardaway Jr. ng 31 points para ihatid ang New York Knicks sa 117-115 pagtakas laban sa Jazz.

Nagsalpak si Hardaway ng isang 3-pointer at kinumpleto ang four-point play kasunod ang isang dunk para ibigay sa New York ang 109-100 benta­he sa huling 3:21 minuto ng fourth quarter.

Naimintis naman ng Utah ang tatlong sunod ni­lang pagtatangka sa 3-point line.

Nagdagdag sina Kristaps Porzingis at Courtney Lee ng tig-18 points at ang 13 points sa third quarter ni Lee ang tumulong sa Knicks para makaba­ngon sa 10-point deficit at iwanan ang Jazz sa 85-78 papasok sa fourth quarter.

Sa Toronto, humugot si point guard Kyle Lowry ng siyam sa kanyang 24 points sa final canto at nag-ambag si DeMar DeRozan ng 21 markers pa­­ra sa 86-83 paglusot ng Raptors kontra sa San An­tonio Spurs.

Tinapos ng Toronto ang kanilang four-game lo­sing slump laban sa San Antonio.

Humakot si center Jonas Valanciunas ng 15 points at 11 rebounds para ibigay sa Raptors ang 17-3 record sa kanilang tahanan, ang second-best home record sa NBA sa likod ng 19-2 card ng Spurs, nakahugot kay LaMarcus Aldridge ng 17 points at 14 rebounds.

Sa Denver, umiskor si Devin Booker ng 30 points, habang nag-ambag si T.J. Warren ng 25 markers para tulungan ang Phoenix Suns sa 108-100 panalo laban sa Nuggets.

Nagdagdag sina Josh Jackson at Isaiah Canaan ng tig-16 points mula sa bench para sa Suns, tinapos ang seven-game losing skid sa Nuggets.

Ang mechanical issues ang nagpaantala sa ka­­nilang flight patungong Denver noong Enero 3 kung saan limang oras sila dumating bago ang ope­ning tip at sa huli ay nagwagi ang Nuggets, 134-111.

Naglista si Jamal Murray ng 30 sa kanyang pag­babalik sa lineup ng Nuggets at kumolekta si Ni­kola Jokic ng 14 points at17 rebounds.

Hindi naglaro si Murray noong Miyerkules sa la­ban nila ng Los Angeles Clippers dahil sa con­cus­sion symptoms at sinuri siya ng mga doktor at pinayagang maglaro sa pagsagupa sa Phoenix.