Exciting races ngayon at bukas

MANILA, Philippines — May 11 na exciting races ang ilalarga ngayong hapon ng Sabado sa karerahan ng San Lazaro Leisure Park sa Carmona, Cavite at magpapatuloy ang masayang pangangarera bukas.

Maraming entries ang nagsilahok ngayong Sabado gayundin bukas na katatampukan ng 3rd leg ng Juvenile Colts & Fillies Stakes races na inisponsoran ng Philippine Racing Commission bukod pa rito ang mga Rating Based Handicap System race na nakapasok sa limang karera.

Sa juvenile colts, ang mga baguhang lalakeng kabayo ay ang mga sumusunod: Probinsyano, No Regret, Sweet Dreams, Goldsmith, The Barrister at Cabo Negro. Dito ay may kaukulang premyong P2-milyon at P1,200,000 ang mapupunta sa kampeon.

Ang runner-up ay pagkakalooban ng P450,000 samantalang ang ikatlong puwesto ay P250,000 at ang ikaapat ay P100,000. Ang breeder’s purse na P70,000 ay mapupunta rin sa kampeong kabayo.

Ang mga kalahok naman sa juvenile fillies ay ang sumusunod: Hot To Trot, Exaggeration, Lourdes Drive, Disyembreasais, Xia’s Best, Mikaela Irene at Speedmatic. Kapareho rin ang premyo nito sa mga colts. Limang racing based handicap system ang nakalinya.

Limang racing based handicap system ang nagawa rin ng handicapping office. Sa ikalawa nakapasok ang Manila Boy, Dream Supreme, Double Strike, Fortune Island, Wacky’s Friend, Kisskissbangbang at Dixie Wind.

Sa ikawalo naman lalaban ang Pusang Gala, Caravaggio, Irish Toffee, Dramatis Personae, If Your Honor Please, Right As Rain, Diamond In The Rock at Super Spicy.