Matira matibay sa laban ng Junior Blazers at Red Robins
MANILA, Philippines — Makatabla sa San Beda College bilang most winningest juniors NCAA squad ang hangad ng Mapua sa pagtatapat nila ng St. Benilde-La Salle Greenhills na naghahangad naman ng unang kampeonato nga-yong hapon sa Game Three ng NCAA Season 93 juniors basketball tournament finals sa Filoil Flying V Center sa San Juan City.
Una nang nagwagi ang Junior Blazers sa series opener, 74-68 noong nakaraang linggo pero naitabla ng Red Robins ang serye noong Game Two sa pamamagitan ng 91-81 panalo noong Martes upang maipuwersa ang Game Three ngayong alas- 3:00 ng hapon.
“We are determined to win everything in Game Three and we will give it our best to bring the title back to Mapua,” ayon kay Mapua coach Randy Alcantara.
Hangad ng Mapua na masundan ang nakaraang kampeonato na tumapos ng kanilang 16-year title drought noong nakaraang taon matapos igupo ang league’s most-decorated team na San Beda na may 22 juniors title.
“It’s going to be who wants it most. No more x’s and o’s. Mas maganda dahil kumpleto na lahat,” dagdag pa ni Alcantara na tinutukoy ang pagbabalik ng nasuspindeng si Inand Fornilos sa panig ng Junior Blazers.
Nais ng Red Robins na may siyam na manlalarong nakatakdang magtapos ang playing years, na magkaroon ang mga ito ng magandang send-off.
- Latest