Curry humataw sa panalo ng Warriors
NEW YORK — Isa itong leksyon para kay Stephen Curry ang panalo ng Golden State Warriors.
Kumamada si Curry ng season-high na 39 points at humakot ng 11 rebounds at 7 assists bago na-foul out para akayin ang Warriors sa 118-111 panalo laban sa Brooklyn Nets.
“It was a good learning experience for him,” sabi ni Warriors coach Steve Kerr kay Curry. “I thought, obviously, he was brilliant in terms of his scoring and shot-making. I thought his second half, he got a little wild.”
Isang araw makaraang bumangon mula sa 24-point deficit para balikan ang Philadelphia 76ers ay nagtala naman ang Golden State ng 28-point lead sa third period bago nakabalik sa laro ang Nets matapos makuha ni Curry ang kanyang ikaanim at huling foul sa huling tatlong minuto ng fourth quarter.
“It was a good learning experience for him,” ani Warriors coach Steve Kerr kay Curry. “I thought, obviously, he was brilliant in terms of his scoring and shot-making. I thought his second half, he got a little wild.”
Ito ang pang-siyam na panalo ng Golden State sa kanilang huling 10 laro bagama't hindi naglaro si star forward Kevin Durant dahil sa kanyang left ankle sprain.
Kumolekta si Klay Thompson ng 23 points at 10 rebounds at nagsalpak ng triple sa kanyang ika-71 sunod na laro.
- Latest