Pinasaya ni Manny ang Brisbane

MANILA, Philippines - Ngayon ay mapapanatag na ang kalooban ng Brisbane.

Kinumpirma kahapon ni Brisbane Lord Mayor Graham Quirk ang pagpayag ni Manny Pacquiao na muling labanan si Australian world welterweight titlist Jeff Horn sa Nobyembre 12.

Tinalo ng Brisbane sa pagsikwat sa hosting rights ng rematch nina Pacquiao at Horn ang Sydney and Melbourne.

“This is now confirmed it will happen. I have had a meeting earlier today which has confirmed that Manny Pacquiao will definitely be in Brisbane this year for a rematch with Jeff Horn,” wika ni Quirk sa panayam ng Sydney Morning Herald.

Tinalo ni Horn si Pacquiao via unanimous decision para agawin sa Filipino world eight-division champion ang suot nitong World Boxing Organization welterweight crown noong Hulyo 2 sa 55,000-seater na Suncorp Stadium sa Brisbane.

Kamakalawa ay nag-alinlangan pa si Quirk sa muling pamamahala sa bakbakan ng 38-anyos na si Pacquiao at ng 29-anyos na si Horn dahil sa wala pang kumpirmasyon ang Senador na hahamunin ang dating school teacher ng Brisbane.

May nakasaad sa rematch clause sa nilagdaang fight contract nina Pacquiao at Horn kung saan ang kanilang ikalawang laban ay maaari lamang gawin sa Australia.

“It was a matter of Manny Pacquiao deciding whether he wanted to take up that clause in the contract to give a rematch in the event that he lost,” wika ni Quirk.

Ngayon pa lamang ay inaasikaso na ng Brisbane ang mga detalye sa rematch nina Pacquiao at Horn.

“The details around a renewed contract will have to be worked through but given what I have not been advised today through Duco and Top Rank, we are in a position now where Brisbane Marketing will be re-engaged to get involved in the negotiation plan,” ani Quirk.

“The good news is Manny Pacquiao will definitely be here to fight Jeff Horn this year,” dagdag pa nito.

Inaasahang tuluyan nang magreretiro si Pacquiao anuman ang maging resulta ng kanyang rematch kay Horn.