Curry nagbiro kay Rihanna

OAKLAND, California - Nagbiro si Golden State Warriors star guard Stephen Curry tungkol kay singer Rihanna, so-lidong fan ni LeBron James at ng Cleveland Cavaliers, sa NBA Finals opener noong Huwebes.

Tiningnan nang masama ni Kevin Durant ang Barbados born actress-singer matapos sigawan ng kanyang assistant ang Warriors forward bago isalpak ang kanyang free throw sa third quarter.

Nang tanungin kung iba-ban ang pagpapatugtog sa mga kanta ni Rihanna sa pre-game locker room musical offerings ng Warriors, sinabi ni Curry na, “I don’t think it was on there to begin with.”

Sinabi ni Curry na hindi pinapansin ng Warriors ang mga sikat na artista na nanonood para tumutok sa kanilang laro.

“At times, yeah, there’s a lot of noteworthy people that show up, especially this time of year to The Finals games,” wika ni Curry. “I saw (actor) Kevin Hart on the sidelines. He’s over there cracking jokes the whole game. Stuff like that, you can have fun with at times.”

Sinabi ni Golden State center Zaza Pachulia, umaasang maging unang player mula sa Georgia na nanalo ng NBA crown, na hindi pa niya napapakinggan ang mga kanta ni Rihanna.

Hindi naman alam ni Warriors reserve Andre Iguodala ang ginawa ni Rihanna.

“I was just really focused on the floor, so anything outside of that, I don’t pay any mind to it.”