Tornadoes winalis ang Tri-Activ Spikers
Nagdiwang ang Foton nang walisin ang Petron para sa kampeonato ng PSL Super Liga. PM Photo ni Joey Mendoza
Para angkinin ang Super Liga Grand Prix crown
MANILA, Philippines – Hindi na pinakawalan ng Foton ang ginintuang pagkakataon.
Pinabagsak ng Tornadoes ang Petron Tri-Activ Spikers sa Game Two, 25-20, 25-20, 22-25, 25-17, para walisin ang kanilang title series at angkinin ang korona ng Philippine Super Liga Grand Prix kagabi sa PhilSports Arena sa Pasig City.
Nauna nang tinalo ng Foton ang Petron sa Game One, 20-25, 21-25, 25-22, 25-17, 15-9.
“Petron is a very good team, but we made some adjustments in the latter part of the game,” sabi ni Serbian head coach Moro Branislav.
“The third set was a problem for us. But we solved it by playing competitive volleyball in the fourth set. Fortunately, the team deli-vered. They responded well to my challenge,” dagdag pa nito.
Binanderahan ni American import Ariel Usher ang atake ng Tornadoes sa kanyang 16 kills at 2 blocks para sa 19 points, habang nag-ambag si Lindsay Stalzer ng 14 hits para walisin ang kanilang best-of-three championship showdown ng Tri-Activ Spikers.
Kaagad kinuha ng Foton ang first at se-cond set bago inagaw ng Petron ang 23-21 abante sa third frame para sa kanilang 1-2 agwat sa laro.
Ngunit naging agre-sibo ang Tornadoes sa fourth set nang ilista ang 8-3 bentahe patungo sa 13-4 paglayo.
Nakabangon naman ang Tri-Activ Spikers para makalapit sa 9-13.
Subalit muling humataw sa opensa ang Foton nang iposte ang 16-10 kalamangan.
Bilang premyo ay kakatawanin ng Tornadoes ang Pilipinas sa 2017 Asian Women’s Club Championship sa Kazakhstan.
Nag-ambag si Jaja Santiago ng 10 hits at hi-nirang na Most Valua-ble Player ng torneo.
Nakasama ni Santiago sa “dream team” sina outside spikers Stephanie Niemer ng Petron and Usher, middle blockers Aby Maraño ng F2 Logistics at Maika Ortiz ng Foton, opposite spikers Jovelyn Gonza-ga ng RC Cola-Army at Aiza Maizo-Pontillas ng Petron, F2 Logistics setter Kim Fajardo at libero Dawn Macandili ng F2 Logistics.
Kapwa may tig-dala-wang korona ang Foton at Petron, nagreyna no-ong 2014 Grand Prix at 2015 All Filipino, sa ilalim ng three-time champion na Philippine Army.
- Latest
