La Salle, UE umiskor sa UAAP

MANILA, Philippines – Kapwa nanaig ang De La Salle University at University of the East sa kani-kanilang mga katunggali para manatili sa ilalim ng nagdedepensang National University sa UAAP Season 79 women’s basketball tournament kahapon sa Mall of Asia Arena sa Pasay City.

Nagposte ng pinagsamang 26 points sina Ca-mille Claro at Jamie Roxas para pamunuan ang Lady Archers sa 69-61 paggapi sa Adamson Lady Falcons.

Nagtapos namang may 18 points at 9 rebounds si Love Sto. Do-mingo para pamunuan ang Lady Warriors sa 60-50 paggupo sa Ateneo Lady Eagles at ilista ang ikaapat na sunod na panalo matapos mabigo sa unang laro sa Lady Bulldogs.

Dahil sa panalo ay kapwa umangat ang La Salle at UE sa ikalawang puwesto sa kanilang 4-1 baraha sa ilalim ng NU (4-0), habang nalaglag ang Ateneo at Adamson sa 2-3. FMLumba