Lady Maroons abante sa semifinals

MANILA, Philippines – Pinabagsak ng University of the Philippines ang NCAA champion na San Sebastian, 25-17, 23-25, 25-5, 25-18, para makasikwat ng tiket sa semifinal round ng Shakey’s V-League Season 13-Collegiate Conference kahapon sa Philsports Arena sa Pasig City.

Pinatahimik ng Lady Maroons ang Lady Stags sa third set para tuluyan nang angkinin ang ikatlong silya sa best-of-three semifinals.

Dahil sa panalo ay makakasama ang UP sa National University at Far Eastern University sa semis.

Pinamunuan ni team captain Kathy Bersola, dating UAAP best blocker, ang Lady Maroons sa kanyang 20 hits kasama ang 10 sa attacks at game-best na 8 blocks.

Nalasap naman ng San Sebastian ang kanilang ikatlong ka-biguan at umaasang matatalo ang Ateneo sa FEU para makatulak ng ‘do-or-die’ playoff para sa ikaapat at huling se-mis berth sa Sabado sa The Arena sa San Juan.

Kung mananaig ang Lady Eagles laban sa Lady Tamaraws ay tulu-yan nang masisibak ang Lady Stags.

Sa Spikers’ Turf Season Two-Collegiate Conference, tinalo ng La Salle ang FEU, 20-25, 25-23, 26-24, 21-25, 15-8, habang pinatumba ng University of Santo Tomas ang Emilio Aguinaldo, 25-20, 25-12, 29-27, para angkinin ang huling dalawang semis seats.

Nagtala ng season-best na 24 hits si Chris Dumago para sa ikaapat na panalo ng Green Archers sa Group A.

Inangkin ng nagde-depensang Ateneo, winalis ang group stages, ang No. 1 seed at lalaba-nan ang No. 4 UST, habang magtutuos ang No. 2 NU at No. 3 La Salle sa semifinals.