Cavs nagpaulan ng tres
CLEVELAND – Nagpaulan ang Cleveland Cavaliers ng NBA record na 25 3-pointers pinakamarami sa lahat ng regular season o playoff game tungo sa 123-98 runaway win laban sa Atlanta Hawks nitong Miyerkules sa Game 2 ng kanilang second-round series sa Eastern Conference.
Nagtala si J.R. Smith ng pitong tres para sa Cavs na nagpamalas ng pinakaimpresibong outside shooting game sa kasaysayan ng NBA.
“Tonight was a special night for all of us who played,” pahayag ni LeBron James. “This league has seen so many great teams, so many great players and great shooters and for us to set an all-time record is truly special.”
Nagtala si James ng apat na tres at umiskor ng 27 points para sa defending conference champions na pinagpahinga ang kanilang ibang starters sa kabuuan ng fourth quarter dahil pagod na ang kanilang mga braso sa kakatira ng tres.
Tumapos ang Cleveland ng 25-of-45 sa rainbow area at may 10 players ang umiskor ng isang tres at higit pa.
Samantala sa Miami, opisyal nang natapos ang season ni Chris Bosh matapos ihayag ng Heat sa kanilang practice sa Toronto na hindi na siya magla-laro para sa mga natitirang games ng koponan.
Mula pa noong All-Star break na ‘di naglalaro si Bosh dahil sa blood clot na nakita sa kanyang kaliwang binti.
“The Miami Heat and Chris Bosh announce that Chris will not be playing in the remainder of the 2016 NBA Playoffs,” read the statement. “The Heat, Chris, the doctors and medical team have been working together throughout this process and will continue to do so to return Chris to playing basketball as soon as possible.”
- Latest
