Proteksiyon laban sa free radicals

Araw-araw ay naka-expose ang lahat sa panganib ng free radicals. Kahit pa sabihing  mayroong healthy lifestyle at maayos na diet.

Nakalulungkot na sa bawat paghinga at physical activity ay  napapalibutan pa rin ng virus at bacteria sa paligid gaya ng pollution, radiation, pesticides, at panganib mula sa usok ng sigarilyo. Hindi malalabanan ang free radicals kung patuloy ang pagkain ng junk food, walang sapat na pahinga o tulog, ipinagwawalang bahala ang benepisyo ng exercise, laging stress, at expose sa mas maraming free radicals. Kapag lantad ang katawan sa free radicals ay manghihina ang immune system at tuluyang masisira o magkakasakit. Makatutulong ang pagkain ng mga food na mayaman sa antioxidant upang magkaroon ng built in na proteksiyon at makontrol ang mapanirang free radicals. Kailangan ng katawan ng antioxidants para ang bawat target mula sa iba’t ibang uri ng cells at tissue ay maprotektahan. Laging ugaliing kumain ng gulay, isda, karne, at prutas. Sabayan pa ng ehersisyo upang lalong lumakas ang pangangatawan laban sa bacteria at polusyon sa paligid.