Gusali Natagpuan sa Ilalim ng Karagatan ng Galilee?

Maraming misteryo ang hindi pa rin nabibigyang linaw magpa­hanggang ngayon tulad na lang ng mga bagay na nadidiskubre sa ilalim ng karagatan. Tulad na lamang ng isang dambuhalang pabilog na stone structure na natagpuan sa Sea of Galilee nang gumawa ng isang sonar survey ang mga archeologist. Hindi nila maisip kung ano ito at kung sino ang naglagay nito sa nasabing malalim na parte ng karagatan.

Iniistimang nasa 60,000 tons ang bigat ng mala-apang hugis nito, ang nasabing structure ay gawa sa “unhewn basalt cobbles and boulders.” Bukod pa riyan ay may taas itong 32 feet (10 meters) at may lapad na 230 feet (70 meters), wala nang impormasyon pa sa nasabing structure.

Ayon sa researcher na si Yitzhak Paz ng Isarel Antiquities Authority at Ben-Gurion University, maaaring 4,000 years old na umano ito at may mga megalithic phenomena na matatagpuan malapit sa lokasyon ng nasabing structure.

Isa kaya itong gusali ng nakalipas na panahon o gawa ng kalikasan lamang na nagkataong mukhang may hugis? Kayo na ang humusga.