Alahas na gawa sa libro

Grabe na ‘to! Isang kakaibang wedding anniversary gift ang na­ging business dahil sa kakaiba ito at talagang kaiinggitan ka ng mga bookworm at art enthusiasts.

Unang naisipan ni Jeremy May na gumawa ng singsing mula sa paboritong libro ng kanyang misis para sa kanilang wedding anniversary. Nagustuhan ito ng kanyang asawa at nag-enjoy si Jeremy na gawin ito kaya naisipan niyang gawing business.

Sa ngayon ay gumagawa na siya hindi lang ng singsing kung hindi ng iba’t ibang accessories tulad ng kuwintas, hikaw, at bracelet mula sa mga vintage books.

“Paper is many a thing. A carrier of text, illustration, history and emotion,” ayon sa kanyang website.

Ang mga jewelries ay nabubuo sa isang espesyal na lamina­ting process kung saan, daang pahina ng libro ang ipinagdidikit at nila-laminate. Nagsisilbi namang lalagyan ang librong binutasan para gawing jewelry. Marami sa kanyang gawa ang naibenta na pero mayroon pa rin siya sa kanyang koleksyon.