Pangontra sa mga Intrigera

Kahit anong dahilan kung bakit ka iniintriga ng ibang tao, kailangan mong tunawin ang negative energy na itinatapon nila sa iyo. Paraan:

1-Kailangan mo ay 2 pirasong kalamansi: bagong bili, sariwa at berdeng-berde ang kulay. Huwag huhugasan. Tig-isang hawakan ng kamay ang bawat kalamansi. Paikutin ang kalamansi sa iyong mga palad. Habang pinaiikot mo sa iyong palad ang kalamansi ay paulit-ulit mong sabihin sa iyong sarili ang mga sumusunod na kataga for 10 minutes: “Ang lahat ng masamang ginagawa sa akin ni (pangalan ng kaaway) ay nahihigop ng kalamansing aking hinahawakan.”

2-Itapon sa umaagos na tubig o ilog ang 2 ginamit na kalamansi, sa ganitong pamamaraan—tumalikod ka sa ilog na pagtatapunan ng kalamansi. Ang isang kalamansi ay itapon nang patalikod sa iyong kanang balikat at ang isa ay itapon din nang patalikod sa iyong kaliwang balikat. Huwag mong lilingunin ang mga kalamansing itinapon. Umalis at isiping hindi ka na iintrigahin.

3-Maligo gamit ang tubig (1 timba) na hinaluan ng isang tasang asin bilang panghu­ling banlaw sa iyong katawan.