Tribo sa Papua New Guinea Gustong Mukhang Buwaya

Ang tribo ng Kanigara sa Papua New Guinea ay sinusugatan ang kanilang katawan para matularan ang balat ng isang buwaya. Ito’y paraan ng pagpapakita ng nasabing tribo ng kanilang “lakas.” Ang mga kabataan sa tribo ay nagpapasugat sa kanilang katawan para maipakita rin ang kanilang tapang at tatag.

Ayon sa kanila ang mga tao raw ay nag-evolve mula sa mga buwaya kaya ang pagsusugat at paggaya sa balat ng nasabing hayop ay mas nagiging malapit daw sila sa kalikasan.

Ang mga sugat ay magpepeklat at mag-iiwan ng marka sa katawan ng mga nasa tribo at sa paglipas ng panahon ay magmumukha na itong parang balat ng buwaya. Mas gusto nila ng ganitong hitsura kaysa makinis na balat dahil hindi ito nagpapakita ng lakas at ang pagiging makinis ay para lamang sa mga babae.