Matutupad ba ang Wish o Hindi?

Ganito ang paraan upang malaman: Umu­sal ng panalangin bago magsindi ng kandila. Usalin mo ang iyong kahili­ngan upang ipaalam mo sa universe kung ano ang iyong pakay sa pagsisindi ng kandila. Obserbahan ang kilos ng apoy at usok ng kandila. Narito ang mga ibig sabihin:

1—Kung sa umpisa pa lang ng pagsisindi ng kandila ay itim na usok ang lumalabas—nagsisimula nang maalis ang mga hadlang upang matupad ang iyong kahilingan.

2—Kung puti ang usok—may mararanasan pang hadlang bago makam­tan ang kahilingan.

3—Malaki ang apoy sa umpisa pa lang—Malaki ang posibilidad na makamtan kaagad ang kahilingan.

4—Kung ang usok patungo sa kinaroroonan mo, narinig kaagad ng langit ang panalangin mo.

5—Maliit ang apoy—mabagal matanggal ang mga hadlang kaya matatagalang makuha ang kahi­lingan.

6—Kung ang direksiyon ng usok ay sa kanan mo, kailangang gamitin ang common sense para makuha ang inaasam.

7—Kung ang direksiyon ay pakaliwa, hindi ka masyadong naniniwala na makakamtan mo ang iyong wish.

8—Kung palayo sa iyo, kailangan  ang tiyaga para makamtan ang wish.

9—Kung may mariri­nig na tila mantikang nagpipitikan sa mitsa ng kandila, may isang mabu­ting espiritu (puwedeng ang santong hinihingan mo ng tulong) na nag-aapela sa Diyos na ipagkaloob na ang kahilingan mo.