Amo na Nagkakaltas ng SSS, Pero ‘Di Hinuhulugan

Dear Vanezza,

Apat na taon na ako sa pinapasukan kong trabaho, buwan-buwan kaming kinakaltasan ng SSS at Philhealth, pero nalaman ko na hindi pala ito hinuhulog ng boss namin.  Hindi ko siya masumbong sa pangako na babayaran ang hulog namin. Pero hanggang ngayon ay hindi pa rin niya nagagawa. Gusto ko nang mag-resign dahil sa liit ng suweldo, pero maraming trabaho. Paano ko ba mababawi ang mga kinakaltas sa suweldo ko? – Min

Dear Min,

Maaaring mag-report mismo sa mga nasabing ahensiya, hindi naman malalaman ng boss mo na ikaw ang nagsumbong. Dahil mismong SSS ang maghahabol sa ganyang mga kaso. Para mas malinaw ay magtanong ng personal sa opisina ng SSS para alam ang mga hakbang na dapat gawin kung paano magkakaroon ng pag-asa na mabawi ang mga ikinaltas sa suweldo mo.

Sumasainyo,

Vanezza