Miserableng Buhay ni Ate
Dear Vanezza,
Grabe ang ate ko two years sila ng boyfriend niya, hindi man lang niya alam na may asawa pala ito. Saka lang niya nalaman nang mabutis siya ng lalaki. Kaya pala hindi siya mapakasalan. Tuloy ang ate ko pa ang nagtatago ngayon. Samantalang wala talaga siyang alam. Sayang, balak pa sana niyang mag-abroad. Pero ang nakakainis ay ayaw pa rin siyang tigilan ng BF niya. Siya ang pinipili kaysa sa tunay nitong asawa. Sa akin nagtatago si ate. Ano ba ang maipapayo ko sa kanya? – Aileen
Dear Aileen,
Mahirap dagdagan ang isa pang pagkakamali. Mas magandang payuhan ang ate mo na iwasan na ang lalaki. Papiliin mo ang ate mo kung masisikmura ba niyang tawaging maging kabit. Sa tulong mo at inyong pamilya ay maaari pa siyang mabuhay nang maayos. Kahit wala ang tatay ng magiging anak niya. Kaysa sa patuloy na maging miserable ang kanyang buhay sa pakikipagrelasyon sa kanyang BF.
Sumasainyo,
Vanezza
- Latest