Para Makaiwas sa Prostate Cancer

Sa unang stages ng prostate cancer kalimitan ay walang sintomas. Walang ngang specific na dahilan ang sakit. Pero maraming posibleng factors para ma-trigger ang sakit kasama na ang  edad, race, lifestyle, medications, genetics, at iba pang bagay.  Sa edad, mas older ang lalaki mas malaki ang risk. Bibihira sa edad 45 years old pababa ang nakikitaan ng ganitong sakit, karamihan ay pagkatapos sa edad na 50 years old.  Kapag may kapatid o tatay na nagkaroon ng prostate cancer, doble na maaaring madebelop kumpara sa ibang lalaki. Sa pag-aaral, kapag healthy ang diet at lifestyle mas mababa ang tyansang magkaroon ng nasabing sakit. Kailangang bawasan ang pagkain ng karne at dagdagan ang pagkain ng gulay at prutas. Hindi rin dapat mawala ang ehersisyo na maaaring mabago ang progreso ng tumor. Ang obesity ay inuugnay sa prostate cancer dahil nababalutan ng taba ang bahagi ng prostate glands.

Kung mas maliit pa ang tumor, mas madali rin itong i-manage sa iba’t ibang proseso ng paggagamot sa prostate cancer. Magtanong agad sa iyong doktor kapag nakararamdam ng kakaiba uri sa iyong pag-ihi.