Pinagsisinungaling ng Nanay

Dear Vanezza,

Ako si  Melay, 16. Gusto ng nanay ko na idemanda ang kapitbahay namin dahil pinagbibintangan akong nangungupit ng pera sa kanilang tindahan sa tabi namin. Ang totoo ako po ang nagnakaw pero bata pa ko noon gusto lang ng nanay ko na magsinungaling ako na ‘di ako ang kumuha ng pera. Ngayon ay nagbagong buhay na po ako. Ano ba ang gagawin ko?

Dear Melay,

Walang masama kung aaminin mo sa iyong nanay ang nangyari. Nahihirapan lang siyang tanggapin na nagkamali ka rati. Pero nakaraan na yun. Kaya mas mabuting patunayan mong nagbago ka na. Humingi ka rin ng sorry sa iyong kapitbahay para magkasundo sila ng nanay mo. Hangad ko na makuha mo ang tiwala nila.

Sumasaiyo,

Vanezza